Молитвы святым
Молитва равноапостольному Николаю, архиепископу
Японскому
Память: 3 / 16 февраля
Великий миссионер современности. За
полвека его служения в Японской Православной Церкви к
1911 году было 266 общинах, 33017 христиан, 1
архиепископ, 1 епископ, 35 священников, 6 диаконов, 14
учителей пения, 116 проповедников-катихизаторов.
Святитель Николай Японский - покровитель миссионеров, катехизаторов, церковного
клира. Ему молятся о помощи в неверии и маловерии
сродников и знакомых, о помощи в учебе, изучении языков, о вразумлении и обращения
нехристиан и маловеров, о возвращении в лоно Церкви
людей, попавших в секты.
***
Тропарь равноапостольному Николаю, архиепископу
Японскому, глас 4
Апостолов единонравне и сопрестольне,
служителю Христов верный и Богомудрый, цевнице избранная
Божественнаго Духа, сосуде преизливающийся любве
Христовы, Японския земли просветителю, святый Николае,
иерарше равноапостольне, молися Живоначальней Троице о
всем твоем стаде и о всем мире.
Кондак равноапостольному Николаю, архиепископу
Японскому, глас 4
Странника и пришельца прият тя страна
Японская, равноапостолъне святителю Николае, в ней же
исперва познал еси себе яко чуждаго, обаче теплоту и
свет Христов источая, прелагал еси враги твоя в сыны
духовныя, имже раздай благодать Божию, созидал еси
Церковь Христову, о ней же ныне молися, и тебе бо сынове
ея и дщери взывают: радуйся, пастырю добрый наш.
Молитва святому равноапостольному Николаю,
архиепископу Японскому
О пречестная и священная главо и
благодати Святаго Духа исполненная, Спасово со Отцем
обиталище, великий архиерее, теплый наш заступниче,
святый святителю, равноапостольный Николае Японский!
Предстоя у Престола всех Царя и наслаждаяся света
Единосущныя Троицы и херувимски со ангелы возглашая
песнь трисвятую, великое же и неизследованное
дерзновение имея ко Всемилостивому Владыце, моли
спастися обращенным тобою ко Христу, и всея паствы
Христовы людем. Упроси Вышняго: страждущую страну
Российскую от лютых безбожник и власти их Господь да
свободит, и да возставит престол православных
правителей; верных рабов Его, в скорби и печали день и
нощь вопиющих к Нему, многоболезный вопль да услышит и
да изведет от погибели живот наш, процветание
Православия в стране нашей Российстей и в земли Японстей
да утвердит. Архиереи благолепием святительства да
украсит, монашествующыя к подвигом добраго течения да
укрепит: царствующыя грады и вся грады страны добре
сохранит. О святителю предивный! Мир весь
предстательством твоим умири: от глада, жажды, пагубы и
крамолы избави ны, от стихий часто находящих на ны, грех
ради наших многих, от тлетворных ветр, губительныя язвы
и от нападения иноплеменных сохрани. Старыя утеши, юныя
настави, безумныя умудри, вдовицы помилуй, сироты
заступи, младенцы возрасти, плененныя и в темнице
сидящыя свободи и возврати, немощствующыя исцели,
плавающым буди добрый кормчий, и всех везде тепле
призывающих тя и с верою притекающих к тебе, и усердно
припадающих, и молящихся тебе от клеветы и всяких
напастей, враг видимых и невидимых, бед и всякаго зла
твоим ходатайством свободи. Моли о нас Всещедраго и
Человеколюбиваго Христа Бога нашего, да простит нам вся
грехи, от юности содеянныя нами, и в день страшнаго
пришествия Его от шуияго стояния избавит нас и радости
святых причастники сотворит, да купно с ними славим
Единаго в Троице Бога, Отца и Сына и Святаго Духа, во
веки веков. Аминь.
***
Акафист равноапостольному Николаю, архиепископу Японскому:
Житийная и научно-историческая литература о равноапостольном Николае, архиепископе Японском:
Труды святителя Николая Японского:
